Xəbər lentİ


GDU rektoru prezident fərmanını icra etmir – Müəllim etirazı…

12:39, 04.10.19
203
gundem, hadise, bolge
GDU rektoru prezident fərmanını icra etmir – Müəllim etirazı…





GDU müəllimləri: “Maaşlarımız belə verilmədiyi halda bizdən nəyə görə məcburi pul tələb edirlər?..”

Gəncə Dövlət Universitetindən və bu təhsil ocağının rektoru Yusif Yusifovdan müəllimlərin şikayətri bitib tükənmək bilmir. Amma heç kim də bu günə qədər Yusif Yusifovun özbaşınalıqların dur demir. Nə Təhsil Nazirliyi, nə də digər qurumlar. Ya deyə bilmirlər, ya da yenə də bu və ya digər səbəbdən deyə bilmirlər… Yusif Yusifov isə universitetin müəllim kollektivinin şikayətlərini ərşə dirəməkdə davam edir.

PİA.az Gəncə Dövlət Universitetinin müəllim kollektivindən daxil olan növbəti şikayət məktumunu olduğu kimi oxucularının diqqətinə cəlb edir:

“Azərbaycan Respublikasının Prezidenti İlham Əliyevə

Surəti: Azərbaycan Respublikasının Təhsil Naziri Ceyhun Bayramova

Surəti: Gəncə şəhər İcra Hakimiyyətinin Başçısı Niyazi Bayramova

Cənab Prezident, biz Gəncə Dövlət Universitetinin müəllimləriyik. Sizin müvafiq fərmanına əsasən sentyabrın 1-dən maaşlar müəyyən qədər qaldırılıb. Bu fərman GDU-da icra olunmur. Ödənişli oxuyan tələbələrdən universitetə daxil olan vəsait isə rektor tərəfindən istədikləri kimi talan olunur.

Rektorun qardaşı Cavanşir Yusibov Maliyyə Nazirliyinin aparat rəhbəri olduğundan bu pulların hesabatını ondan soruşan da yoxdur.

Rektor deyir ki, müəllimlərin maaşlarının qaldırılmasından söhbət belə gedə bilməz. Yalnız texniki işçilərin ştatlarına belə fərq qoyulmadan süpürgəçi ilə eyni maaş – 250 manat olacağı barədə məlumat verilib.

Bundan başqa binalardakı otaqların hamısının nömrəsi və laboratoriyaların adları yazılmış lövhələr var. Bunlar çox səliqəli şəkildə yazılıb. Rektor bu nömrələrin təzədən yazılması ilə bağlı göstəriş verib və bildirir ki,bunun üçün hər kafedra 250-300 manat pul verməlidir.

Hələ bizə maaş verilmədiyi halda, bizdən bu qədər pul tələb edirlər. Biz bu pulu haradan alıb verməliyik? Digər tərəfdən bu lövhələr çox səliqəli və müasir şəkildə yazıldığına görə onların dəyişdiriməsinə lüzum yoxdur. Əgər dəyişdirilirsə belə bunu universitetin büdcəsindən ödəmək lazımdır. Xahiş edirik, bu özbaşınalığın qarşısını alasınız.

Maaşlarımız belə verilmədiyi halda bizdən nəyə görə məcburi pul tələb edirlər? Rektorun köməkçiləri Elsevər Nağıyev, prorektor Fəxrəddin Həsənov rektorun adından hamıya hədə-qorxu gəlib pul tələb edirlər.

Hörmətlə,Urfan Məmmədov,GDU-nun müəllimi

Hörmətli redaksiya, bu mətn əlaqədar şəxslərə göndərilib. Bunu ictimailəşdirməyinizi Sizdən çox artıq dərəcədə xahiş edirik”.

Fikirlər

 Oxşar xəbərlər: