Sizin reklam burada
Sizin reklam burada

Cahangir Əsgərov əgər yarıtmaz kadrdırsa... - "AZAL"dan şikayətlər artır...

Cahangir Əsgərov əgər yarıtmaz kadrdırsa... - "AZAL"dan şikayətlər artır...




Pandemiya dönəmində ən çox ziyan görən sahə turizm sektorudur. Qismən yumşalmalar olduğu üçün bu sahə az da olsa, dirçəlib. Lakin son günlər sosial şəbəkələrdə təyyarə gedişlərində qiymətlərin yüksək olmasına dair narazı notlara rast gəlinir.

BAXCP sədrinin ictimai və siyasi məsələr üzrə müavini Niyaməddin Orduxanlı “Facebook” səhifəsində bu barədə paylaşım edib:
“Gürcüstandan İstanbula uçuş 110 manatdır, Azərbaycandan 800 manat. Fərqə baxın… Bizdə niyə hava şirkəti tək AZAL olmalıdır?”.

Mövzu ilə bağlı “Sherg.az”a danışan iqtisadçı-ekspert Rəşad Həsənov bildirib ki, Azərbaycanda hava nəqliyyatı ilə sərnişindaşıma sisteminin liberallaşdırılması istiqamətində ciddi çağırışlar var:

“2016-cı ildə strateji yol xəritələri hazırlanarkən hava nəqliyyatı üzərində işlənilməli olan sahələrdən biri kimi təsdiq edilmişdi. Çox təəssüf ki, ötən dövr ərzində müvafiq addımlar atılmadı. Xüsusilə də, aşağı büdcəli hava yolları şirkətlərinin Azərbaycan bazarına buraxılmaması qeyd edilən məsələdə əsas çətinlik yaradan məqamlardan biridir.

Digər məsələ AZAL-ın yaratdığı süni inhisarçılıq səbəbindən qaynaqlanan xidmətlərin kifayət qədər yüksək olmaması, həmçinin Azərbaycana uçuşlar edən şirkətlərin şərtləri qeyri-rəsmi qaydalar çərçivəsində formalaşması, şirkətlərə daha aşağı qiymətlə biletlərin təşkil edilməsi və s. məqamlardır”.

İqtisadçı-ekspert deyib ki, məsələdə fundamental problem var:

“AZAL artıq Azərbaycan İnvestisiya Holdinqinin idarəetməsinin verilib. Həmin Holdinqin görəcəyi birinci iş Azərbaycanda Hava Nəqliyyatı İnfrastruktru ilə Hava Yolu şirkətinin bir-birindən ayrılması istiqamətində olmalıdır.

Aeroportlar, uçuşa nəzarət texnologiyaları və s. beynəlxalq təcrübədən yola çıxaraq özəl şirkətlərin idarəsinə verilməlidir.

Hava Yolu şirkəti özünün maraqlarını təmin etmək məqsədilə digər şirkətlərin maraqlarını məhdudlaşdırır. AZAL-da şəffaflığın təmin olunması, eləcə də nöqsanlar İnvestisiya Holdinqinin həll edəcəyi məsələlərdir.

Özəl şirkət hava nəqliyyatını idarəetməyə başlayanda daha çox uçuşlar həyata keçirməkdə maraqlı olur. Çünki həmin şirkətin gəlirləri məhz uçuşlar zamanı təklif etdiyi xidmətlər fonunda formalaşır.

Daha əlverişli şərtlərlə şirkətləri uçuşlarını təşkil etməyə çalışır. 5-6 il əvvəl “Kutaisi” hava limanında müvafiq təklifləri vermək nəticəsində sərnişindaşımanı 7 dəfə artıra bildilər.

Bizdə mövcud hava limanları daha müasir standartlara cavab verir, lakin onların gücündən çox istifadə edilmir. İdarəetmə təkmilləşdirilməsə, problem yenə də davam edəcək”.

  • Sosial şəbəkədə paylaş
XƏBƏR LENTİ